عمرك عاودتي لشي وااحد على شي مشكل وقع ليك ولا قلتي ليه بلي مارااشقااش ليك، و هو جااوبك ب "كون شتييي أناااا" و بداا تيعااود قصة حيااتو!

غالباا حناا فااش تنعاودو مشاكلنا لشي شخص، تنقلبوا على لي يسمع ليينا و يفهمنا، و لكن تنلقااو بلي داك الشخص بااغي حااجة خراا.

بااغي تاهو يعااود ليك على حيااتو و مشااكلو و تتولي بحاال مناافسة بيناتكوم بااش تشوفوا شكون لي حيااتو مكفسة كتر.

و هاادي خايبة لااحقااش من نااحية ماتتوصل لحتى شي نتيجة من غير البؤس لي تيتزاد، تتنقص من قيمة معاناة الشخص الٱخر،  ماتتخليش الإنساان مستعد أنه يخوي لي فقلبوا و يعاود المشااكل ديالو، و تقدر تحسسنا بالنقص و بالذنب يلاا كان دااك الشخص بصح عندو مشااكل لي تتباان كبر من ديالناا.

أمثلة على هاد المقارنة ديال البؤس:

🔵فااش شي حد يتشكا من تماارة ديال لخدمة و تقوليه نتاا خاصك تجرب لبطااالة ولا حمد لله عندك خدمة بعدا.

🔵شي وااحد تيعااني من مشااكل زوجية و تجي نتاا ولا نتي تقولييه "وا بعداا راك مزوج، حناا مالقينااش معامن."

🔵تلقى شي وااحد مكتأب و تقوليه "حمد لله على حالتك" ولا "نتاا مافيك والو غي تتزيد فيه"

😁صوو، شنو الحل فهاد الحالة؟

💓أهم حااجة هي أن حناا نتخلصواا من الأنانية لي فيناا، و فاش شي حد يعااود ليينا المشااكل لي عندو نسمعوا ليه هو.

🔴يلا كنتي نتاا تادير هاد المقارنة، تفكر بلي المعاناة لي تيدوز منها أي وااحد تيكون عندها تأثير وااحد على النفسية ديالنا، بغض النظر على الأسباب.

🔴ديير رااسك بلااصة داك الشخص، و سمع ليه فقط و حااول تحس بداكشي لي دااز منو.

🔴ويلا كنتي نتاا تتعرض لهاد المقارنة، قول لداك الشخص بلي نتا محتااجو يسمع ليك و مااشي يقاارن المشااكل ديالو بديالك.

🔴ويلا مابغااش يحشم، تخلص من دااك الشخص حيت رااه غاادي يضر بصحتك النفسية.

⚪داباا نوبتك: يلا مواالف تتقارن المشاكل ديالك مع نااس خرين، بداا تسمع ليهوم و تحترم دااكشي لي داازو منو.

⚪ويلا كنتي نتاا تتعاني من هاد المسألة، قبل ماتعاود أي مشكل عندك لشي شخص، قوليه مباشرة مايقاارنش مشاكل ديالو مع ديالك. و لي مابغاش يفهم هاد المسألة، إماا بعد على الشخص فخطراا ولا ماتبقااش تعااود ليه أي حااجة فخطراا.

و اندوزوا لطريقة سلبية أخرى فالتعامل مع المشاعر.

دخلوا لهاد الليان باش طيليشارجيو كتااب ""الذكاء العاطفي بالدارجة" و توليو قادريين أنكم تفهموا المشاعر ديالكوم، و تعرفوا كيفااش تحكموا فيهوم و تغيروا حياتكوم. 👇👇

https://drive.google.com/ الذكاء العاطفي بالدارجة - أيوب الهرشال

بييييس ✌️🐸